L-Arriva b’servizz inferjuri fil-Fgura

Stqarrija għall-istampa. 

Maħruġa minn Byron Camilleri, Sindku, Kunsill Lokali Fgura. 

L-Arriva b’servizz inferjuri fil-Fgura

Il-Kunsill Lokali tal-Fgura qiegħed ta’ kuljum jirċievi lmenti rigward is-servizz provdut mill-Arriva ġewwa l-lokalita` tal-Fgura.  Kull email mibgħut mill-Kunsill Lokali tal-Fgura jew minni personalment, l-Arriva wieġbet li ser tkun qed tieħu azzjoni dwar dawn l-ilmenti.  Madanakollu, il-problemi maħluqa kemm ilha li daħal fis-seħħ is-servizz provdut mill-Arriva, għadhom ma tranġawx.

L-akbar problema li qed jiltaqgħu magħha r-residenti tal-Fgura hija li x-xarabanks tar-rotta 91, ħafna drabi  jaslu l-Fgura mimlijin, bil-konsegwenza li r-residenti jibqgħu l-art jistennew xarabank oħra.  Fil-‘peak hours’ ta’ filgħodu, ħafna drabi dan jiġri għal aktar minn darba wara xulxin, bil-konsegwenza li r-residenti jkollhom jistennew għal ħinijiet twal sabiex jirkbu. 

F’laqgħa li l-Kunsill Lokali tal-Fgura kellu ma’ uffiċjali ta’ Transport Malta, ġie spjegat lilna, li l-kuntratt mal-Arriva jistipula li mhux biss għanda tgħaddi xarabank kull għaxar minuti, iżda li persuna ma tistax tagħmel aktar minn għaxar minuti tistenna sabiex tirkeb.  F’ħafna ħinijiet tal-ġurnata, ta’ kuljum, dan il-kuntratt mhux qed jiġi onorat mill-kumpanija Arriva.  Ir-rappreżentanti tal-Kunsill ilmentaw ma Transport Malta li ħafna persuni qegħdin idumu jistennew sabiex jirkbu, filwaqt li ntalab li jerġgħu jibdew jgħaddu xarabanks minn Triq Valperga u Triq id-Dejma, fejn qabel kienu jgħaddu r-rotot 3 u 29 rispettivament.  Ir-rappreżentanti tal-Kunsill ilmentaw ukoll li r-rotta diretta lejn l-isptar kienet tneħħiet, bil-konsegwenza li ħafna persuni, speċjalment anzjani, qed ikollhom ibgħatu sabiex jieqfu Raħal Ġdid u jistennew xarabank oħra.

F’eżerċizzju li sar nhar l-Erbgħa 14 ta’ Settembru bejn il-ħamsa u nofs ta’ filgħodu u d-disgħa ta’ filgħodu, ġie nnutat li x-xarabanks qegħdin jgħaddu mill-Fgura fi frekwenzi li m’humiex uniformi. Filwaqt li fi tlett minuti, bejn is-7.18am u s-7.22am għaddew tlett xarabanks, ix-xarabank ta’ wara għaddiet fis-7.40am, filwaqt li ma kienx possibli li kull min kien qiegħed jistenna, jirkeb.  Ġie nnutat li bejn it-8.15am u 8.47am, kien hemm persuni li għamlu għal madwar nofs siegħa jistennew sabiex jirkbu.  Dan id-dewmien żgur li m’huwiex aċċettabli fi stat modern tal-Unjoni Ewropeja, fis-sena 2011.

B’dispjaċir ninnota li l-Kunsill Lokali tal-Fgura talab laqgħa mal-kumpanija Arriva fl-1 ta’ Awwissu, 2011, u li l-kumpanija Arriva, lanqas biss wieġbet għal din it-talba.

Tabella tal-informazzjoni miġbura l-Erbgħa 14 ta’ Settembru, 2011 annessa.

Byron Camilleri

Sindku

Kunsill Lokali Fgura

e   |  byroncamilleri@gmail.com

w  |  www.byroncamilleri.com

m  |  +356 79270207

	Data:	14.09.2011		Bus Stage	Punika
	Hin (bidu)	5.30am		Hin (Tmiem)	09.15am
	Hin tal-wasla	Persuni jistennew fuq il-bus stage?		Persuni jistennew	Persuni li telghu
		iva	le
1	5.51	x			0 - Full up
2	6.07	x			0 - Full up
3	6.16	x		8	8
4	6.32	x		10	0- Full up
5	6.36	x		12	12
6	6.46	x		6	6
7	7. 00	x		1	0- Full up
8	7.09	x		6	1 - Full up	1 persuna min 6
9	7.18	x		9	0- Full up
10	7.21	x		9	9
11	7.22		x	0	0
12	7.4	x		10	6- Full up	6 persuni min 10
13	7.43	x		4	4
14	7.45	x		2	2
15	7.49		x	0	0
16	7.55	x		1	1
17	8.07	x		9	9
18	8.21	x		8	3- Full up	3 persuni min 8
19	8.41	x		12	0- Full up
20	8.47	x		15	15
21	8.49		x	0	0
22	9.07	x		11	1 - Full up	1 persuna min 11
23	9.1	x		10	10